Maletak egiten harrapatu dugu Tuentiko lagun hau. Taulatik taulara aritu gara, eta profiletik harrapatu diogu aurkezpena: “Munduan jira-biran dabilen pertsona bat gehiago naiz, baina, guztiok bezala, guztien artean bakarra eta berezia. Ni Ni Neu naiz”.

Arkitekturako bosgarren mailako ikaslea. Arkitekturarekiko zaletasunaz gain, beste herrialde batzuk ezagutu eta bertan laguntzeko grina ere badu; hainbat proiektutan hartu du parte boluntario moduan. Desiratzen dago karrera amaitu eta ikasitakoa praktikan jartzeko, kanpoan zein hemen laguntzeko.  

Irakasle-ikasketak egin zituen, baina kazetaritzan dihardu. Londreskoa da sortzez, baina Zarauzko kale nagusian bizi da. Pub batean ordu luzez egoteko ohitura gogoan duen arren, gustuko ditu kaleko festak. Bilbokoak, gehienbat. Nolatan zu hemen?