Bilboko Udal Etxebizitzak erakundeak 10era zabaltzea erabaki du 'Bilboko Udal Etxebizitzak Gazte Solidarioentzat' programara zuzendutako etxebizitza kopurua, joan den ikasturtean aurrera eramandako esperientzia pilotuaren arrakasta ikusita.

Ekimen hori, EHU-ko gradu-osteko ikastaroetan matrikulatuta dauden gazteei dago zuzenduta, eta udal etxebizitzak alokairuan eskaintzen zaizkie, konpartituta, pertsona bakoitzak hilean 40 euroko prezio sinbolikoa ordainduz.

Horren truke, ikasleak, egitasmoaren xede diren auzoetako erkidegoko proiektuetan eta egoera txarrean dauden taldeei laguntzeko jardueretan lagundu behar dute, Otxarkoagan eta Bilbo Zaharrean. Guztira 26 ikasle izango dira ekimenaren onuradunak. 

Informazio gehiago, hemen.