4.200 guztira, 13 eta 29 urte bitartekoak, arabarrak, bizkaitarrak eta gipuzkoarrak. Horiek izan dira Gazteen Euskal Behatokiak elkarrizketatu dituen gazteak, osasunari buruz duten pertzepzioa jakiteko. Erantzunekin, txosten bat argitaratu dute, eta merezi du begirada bat ematea. Ea zure iritziekin bat datozen hor jasotakoak!
Besteak beste, 16-23 urte bitarteko gazteek heldutasunera heltzeko inolako presarik ez dutela agertzen da, eta asteburuetan lokaletan elkartzea indar handia hartzen ari dela. Mutilek neskek baino kirol gehiago egiten dutela ere ageri da, eta neskek buruko osasunari mutilek baino garrantzi handiagoa ematen diotela. Gehien arduratzen dituzten gaiak, hauek dira, hurrenez hurren: osasuna, familia, adiskidetasuna, maitasuna, lana, sexua, ikasketak eta, azkenik, politika eta erlijioa. A! Eta maitasun-harremanetan, monogamia seriatua izaten dute. Zer den hori? Bada, bikotekide bat izatea denbora batez, eta gero beste bat, eta ondoren beste bat... Eta askoz gauza gehiago ere azaltzen dira txostenean .
Egileen iruzkinak (0) 
Komentarioaren hizkuntza Euskara (0), Castellano (0), English (0) |
|
|
