Interneteko bilatzaile gehienek testua aurkitzen dute. Web guneetako testua, irudia deskribatzen duen testua, audioa deskribatzen duen testua, baina ez audio horren edukia, lokuzioak dioena. Bada, audio horren edukian bilaketa egingo duen tresna garatzen dihardute UPV/EHUko Sistemen Ingeniaritza eta Automatika sailean. Horretarako, ahozko hizketa ulertu eta testu bihurtuko duen sistema sortu behar dute. Ingelesez eta gaztelaniaz ohikoak dira horrelako tresnak, baina ez euskaraz. Erabilgarria izateko, sistema entrenatu beharra dago; ulertzen erakutsi behar zaio. Trebatze horretan, albistegiak erabiltzen dituzte. Beraz, albistegietan bilaketa egiteko gai izango da tresna hau. Zailagoa izango da, ordea, erabiltzaileek sortutako podcast eta bideoak ulertzea.

Egileen iruzkinak (0) Komentarioaren hizkuntza Euskara (0), Castellano (0), English (0)

Zure Iruzkina gehitu