Zumaiako labarrak mundu osoko gune geologikorik garrantzitsuenetako bat dira, gure planetaren historiaren milioika urte irakur daitezkeelako hango harrizko geruzetan. Laster, bertatik bertara ez ezik, pantaila handian ere jaso ahalko da flysch horien berri, Flysch: haitzen hitza dokumentalari esker. Alberto J. Gorritibereak eta Asier Hilariok idatzi eta zuzendutako dokumentalaren grabaketan parte hartzeko, mundu osoko adituak etorri dira Zumaiara.

Mundu mailako hogei bat zientzialariren ahotan kontatuko dute haitz hauek jasotzen duten historia, Lurraren historia. Zientzialari horietako askok hemen egin dituzte beren ikerketak. Ikerketa horien berri emateaz gain, emaitza horiek gaur egunera ekarriko dira. Esate baterako, dinosauroen gaia jorratzen denean, gaur egungo biodibertsitateaz hitz egingo da.

Etiketak : geologia komunikazioa

Egileen iruzkinak (0) Komentarioaren hizkuntza Euskara (0), Castellano (0), English (0)

Zure Iruzkina gehitu